Viulunista
Natu in Chambéry in 1976, Renaud Capuçon studia à u Conservatoire National Supérieur de Musique de Paris prima di perfezziunassi in Berlinu è à fiancu d’Isaac Stern. Mustratu da Claudio Abbado in u Gustav Mahler Jugendorchester, si distingue prestu cum’è unu di i viulunisti i più brillanti di a so generazione.
Laureatu di e Victoires de la Musique (« Nouveau talent » in 2000, « Soliste instrumental de l’année » in 2005) è di u Prix Georges Enesco di a Sacem, si prisenta oghje cù i più grandi orchestre è direttori di u mondu, da Berlinu à New York, da Vienna à Séoul. Appassiunatu di musica di camera, sparte a scena cù artisti cum’è Martha Argerich, Hélène Grimaud, Yo-Yo Ma o u so fratellu Gautier Capuçon. A so impurtante discugrafia cù Erato tistimunieghja d’una curiosità è d’una esigenza custante.
Renaud Capuçon sona u viulinu Guarneri del Gesù “Panette” (1737) chì hè statu di pruprietà d’Isaac Stern. Hè Chevalier de la Légion d’honneur, fundatore di u Festival de Pâques d’Aix-en-Provence è di i Sommets Musicaux de Gstaad, è insegna à a Haute École de Musique de Lausanne.