Pianistu
Natu in 1981 David Fray, hè ammessu à u Conservatoire National Supérieur de Musique de Paris in a classa di Jacques Rouvier. Dopu face un ciclu di perfezziunamentu in a classa di quessu ultimu ma dinù in musica di camera cù Christian Ivaldi è Claire Désert. Participa à e Master-Class di Dimitri Bashkirov, Menahem Pressler, Paul Badura-Skoda, è ancu Christoph Eschenbach. Riceve in Germania u premiu di i ghjovani talenti di u « Klavier Festival Ruhr » sottu u patrociniu di Pierre Boulez. Hè numinatu « Jeune soliste de l’année » da a Commission des Radios Publiques Francophones (CRPLF), laureatu « déclic » di l’AFAA (Association Française d’Action Artistique), « Révélation classique de l’année » da l’ADAMI in 2004. Quella stessa annata, li hè attribuitu u Deuxième Grand Prix è dinù u Prix de la meilleure interprétation de l’œuvre canadienne di u Concours International de Montréal. Fù dinù borsistu di a Fondation Banque Populaire è di a Fondation Meyer per u sviluppu culturale è artisticu.
David Fray si prisenta regularmente cù i più grandi orchestre, cum’è l'Orchestre Métropolitain du Grand Montréal, Vancouver Symphony Orchestra, l'Orchestre de Paris, l'Orchestre National de France, l'Orchestre de l’Opéra national de Paris, l'Orchestre National du Capitole de Toulouse, l'Orchestre National de Lyon, Philharmonique de Monte-Carlo, Deutsche Kammerphilharmonie Bremen, Deutsche Sinfonie-Orchester, Jerusalem Symphony, Amsterdam Sinfonietta, Netherlands Chamber Orchestra, Bayerische Rundfunk Orchestra, Los Angeles Philharmonic, Cleveland, San Francisco, Boston Symphony, NHK, Chicago Symphony, Dallas Symphony, New-York Philharmonic, London Philharmonic, Salzburg Mozarteum Orchester, Deutsches Symphonie Orchester, Concertgebouw Amsterdam, Leipzig Gewandhaus Orchestra, Rome Santa Cecilia Orchestra, l’Orchestre de la Suisse Romande, le Scottish Chamber Orchestra, etc... Cullebureghja cù direttori d'orchestru di rinumata mundiale, cum’è Marin Alsop, John Axelrod, Semyon Bychkov, Christoph Eschenbach, Andrew Davis, Paavo Jarvi, Kurt Masur, Riccardo Muti, Yannick Nézet-Seguin, Esa-Pekka Salonen, Michael Sanderling, Jaap van Zweden.
In recital, si prisenta nant’à parechje scene prestigiose, cum’è u Théâtre des Champs-Elysées, u Wigmore Hall, u Carnegie Hall, u Musikverein de Vienne, è dinù à i festival di La Roque d’Anthéron, à i BBC Proms, Festival de Menton, Grange de Meslay, Festival de Pâques d’Aix-en-Provence, Piano aux Jacobins (Toulouse), Festival de Megève, Schubertiades d’Hohenems, Prague Spring Festival, Sommets Musicaux de Gstaad. David Fray si prisenta regularmente in recital cù u viulunistu Renaud Capuçon, cù quale interpreta in particulare e sonate di Bach è Beethoven per viulinu è tastiera.
David Fray hè artista esclusivu Erato. U so primu arregistramentu, cunsacratu à Bach è Boulez, li vale e più prestigiose distinzione (Newcomer of the Year 2008 / BBC Music Magazine, Meilleur enregistrement / Echo Preis 2008), listessa cosa per u so arregistramentu di i cuncerti di Bach cù a Deutsche Kammerphilharmonie Bremen è u so recital Schubert. Dopu esce i Concertos di Mozart cù u Philharmonia è Jaap van Zweden, un recital Bach, un recital Schubert (marzu 2015), un recital Chopin (ghjennaghju 2017), poi i Concertos per 2, 3 è 4 piani di Bach cù l’Orchestre National du Capitole de Toulouse è Jacques Rouvier, Emmanuel Christien è Audrey Vigoureux (nuvembre 2018) è e sonate per viulinu è pianu di JS Bach cù u viulunistu Renaud Capuçon (marzu 2019). Ultima uscita, e Variations Goldberg di JS Bach (nuvembre 2021).
U realizatore Bruno Monsaingeon li cunsacra dui filmi, u primu dedicatu à i cuncerti di Bach è u sicondu à dui cuncerti di Mozart, diffusi nant’à Arte è Mezzo.
David Fray hè fundatore è direttore artisticu di u Festival « L’Offrande Musicale », chì si tene d’estate in e Hautes Pyrénées.