Cantante
A cantante è attrice francese Neïma Naouri cumencia l'apprendistatu di u pianoforte à l'età di 6 anni. À 15 anni, entra in u Conservatoriu à raghju regiunale di Saint-Maur in cumedia musicale induve ottene u so Diplôme d’études musicales in 2018. Quella stessa annata, face i so debutti nantu à a scena interpretendu u rollu di Hedy LaRue in u celebre musical How to Succeed in Business Without Really Trying à u Théâtre de Ménilmontant in Paris. Dopu una furmazione prufessiunale à l'IMEP Paris College of Music, una scola di jazz internaziunale, entra in u gruppu vocale The Voice Messengers cù u quale sorte u so primu album in 2021. In 2019, Neïma face i so debutti à l’opera cù u rollu di Tzeitel in Un Violon sur le toit à l’Opéra national du Rhin messu in scena da Barrie Kosky.
In 2020, figura nant’à l’album Imaginary Soundtrack from the 60’s di Léonard Desarthe di u quale a canzona I’m Mad After You hè numinata à i Production Music Awards in a categuria « best vocal track ». Quella stessa annata arregistrà per l’album Symphonie pour la vie di u quale tutti i benefizii sò riversati à l’uspidali è participeghja à l’emissione televisiva Symphonissime à fiancu d’Yvan Cassar.
Dopu avè ottenutu un master à a Royal Academy of Music di Londra, face i so debutti nant’à a scena londinese à u National Theatre in a cumedia musicale originale Hex.