Viulunistu
Viulunista è cumpusitrice, Esther Abrami hà rivoluzionatu a manera di prisentà a musica classica. Hà trovu cumu rompe i codici d’un ambiente estremamente cunservatore, riescendu à fà cunnosce è amà a musica classica à giovani chì ùn l’avianu mai ascultata nanzu.
Oghje, hè seguitata da più d’un milione di persone à traversu e so rete suciale nant’à e quale sparte a so vita di musicista classica un pocu rock’n roll. À stu prupositu, Madame Figaro scrive: « Personne n’avait encore réussi un tel pari : faire chavirer des millions de jeunes internautes perpétuellement branchés aux réseaux sociaux et les convertir à la musique classique à coups de partitas de Bach et de concertos de Mendelssohn interprétés au violon. »
Descritta da Les Echos cum’è « la musicienne qui ouvre les portes du classique à toutes les générations », hè stata dinù a prima musicista classica à esse numinata in a categuria Social Media Super Star à i Global Awards à Londra.
Diplumata d’una di l’istituzione e più rinumate in u mondu, u Royal College of Music di Londra, hà firmatu un cuntrattu cù Sony per publicà un primu album ancu prima di a fine di i so studii. Dopu à dui album di successu chì l’anu purtata nant’à i platò televisivi di Quotidien, Quelle Epoque, C à vous è Clique, publica quist’annu u so terzu album cù Sony. Intitulatu Women, hè un album dedicatu à e donne. Hè interamente cunsacratu à e cumpusitrici chì ùn anu avutu locu in un mondu sin’à avà guasi esclusivamente maschile.
Esther Abrami s’hè prisentata in e più grande sale classiche di u mondu: u Royal Albert Hall à Londra cù u Royal Philharmonic Orchestra durante a celebrazione di u Jubilée di a Regina Elisabetta II, u Carnegie Hall à New York, u Musikverein à Vienna. Ritorna da una turnee di 3 settimane in Cina cù cuncerti à Pekin, Shanghai, Shenzhen, Wuhan, Guanzhou è altre cità. Dopu avè riesciutu un sold out à a sala Gaveau à Parigi l’annu scorsu, annunzia quist’annu u so primu Olympia.
U so attrattu per a moda, chì ùn hè micca cumunu in u mondu di a musica classica, l’hà purtata à esse ambasciatrice di parechje case di lussu cum’è Zénith chez LVMH, o Messika. Hè regularmente vistuta da Dior, Fendi, Tod’s è Louboutin. Harper’s Bazaar l’hà recentemente messa in risaltu discrivendula cum’è a « Violoniste phare d’une nouvelle génération de fans de musique classique, qui impose la mode et la joie de se vêtir dans son milieu. »
Dà regularmente cunferenze è masterclass chì riuniscenu millaie di persone, cum’è à u cungressu naziunale di u Centre des Jeunes Dirigeants, è à i studienti di e scole di cummerciu ECM.
U podcast ch’ella hà creatu, intitulatu Women in Classical dà a parolla à donne d’oghje chì occupanu posti assai sfarenti in l’industria di a musica. Ci riceve regularmente persunalità cum’è per esempiu Rachel Portman, prima donna ricumpensata da un oscar per a musica di filmu.
Esther Abrami face parte di quelli chì facenu move è evoluì e cose in u so duminiu è chì travaglianu à ugualizà e pussibilità di riescita è di cunniscenza per e persone di tutti i generi è di tutti l’ambienti.
Esther ghjoca nant’à un viulinu di Jean-Baptiste Vuillaume datatu di u 1857, generosamente prestatu da a Beare’s International Violin Society.