Christophe Rousset

Fundatore di l’inseme Les Talens Lyriques è cembalistu ricunnisciutu à livellu internaziunale, Christophe Rousset hè un musicante è capu d’orchestru ispiratu da a so passione per l’opera è a riscoperta di u patrimoniu musicale europeu.

L’istudiu di u cembalu à a Schola Cantorum de Paris cù Huguette Dreyfus, dopu à u Conservatoire Royal de La Haye cù Bob van Asperen (vince à 22 anni u prestigiosu 1er Prix di u 7e cuncorsu di cembalu di Bruges), seguitu da a creazione di u so propiu inseme, Les Talens Lyriques, in 1991, permettenu à Christophe Rousset d’appruntà perfettamente a ricchezza è a diversità di i ripertorii baroccu, classicu è prerumanticu.

Christophe Rousset hè oghje regularmente invitatu à prisentassi cù Les Talens Lyriques in tutta l’Europa : Opéra National de Paris, Opéra-Comique, Théâtre du Châtelet, Opéra Royal de Versailles, Théâtre des Champs-Élysées, Opéra National des Pays-Bas, Concertgebouw Amsterdam, Philharmonie de Paris, Opéra de Lausanne, Theater an der Wien, Staatsoper de Vienne, La Monnaie de Bruxelles, Wigmore Hall et Barbican Center de Londres, Bozar Bruxelles, Teatro alla Scalo di Milano…è dinù per tournée in tuttu u mondu in Messicu, Nouvelle-Zélande, Canada, USA etc.

À tempu, cuntinueghja una carriera attiva di cembalistu è di musicante di camera prisentendusi è arregistrendu nant’à i più belli strumenti storichi. I so arregistramenti di l’opere per cembalu di Louis è François Couperin, Rameau, D’Anglebert, Royer, Duphly, Forqueray, Balbastre, Scarlatti è a so integrale di i pezzi di J. S. Bach per tastiera sò cunsiderati cum’è riferenze.

A dimensione pedagogica hà una impurtanza capitale per Christophe Rousset chì dirige è anima masterclasses è accademie : CNSMDP de Paris, Académie d’Ambronay, Fondation Royaumont, Opera Studio de Gand, OFJ Baroque, Junge Deutsche Philharmonie, Accademia Chigiana à Sienne, Amici della Musica à Florence, Piccola Accademia à Montisi, o ancu u Britten-Pears Orchestra.

Christophe Rousset cuntinueghja infine una carriera di capu invitatu : Liceu de Barcelone, San Carlo de Naples, Scala de Milan, Opéra Royal de Wallonie, Royal Opera House de Londres, Orchestre national d’Espagne, Orchestre philharmonique de Hong Kong, l’Orchestre du Théâtre Royal de la Monnaie, the Orchestra of the Age of Enlightenment, Monteverdi Choir & Orchestra etc.

Si dedica dinù à a ricerca musicale è à a scrittura, à traversu edizioni critiche è a publicazione di monografie cunsacrate à Rameau (2007, Actes Sud) è à François Couperin (2016, Actes Sud). U so libru d’interviste nantu à a musica realizatu da Camille de Rijck (2017, La Rue Musicale / Philharmonie de Paris) hè parsu sottu à u titulu L’impression que l’instrument chante.

Unu di i so arregistramenti recenti L’art de la Fugue (Aparté, 2023) hè statu salutatu da a critica « Rousset (…), maîtrise cette œuvre phare de l’art polyphonique avec brio. » (Concerti, janvier 2024).

Si noteranu e so recente publicazione cum’è a superba riedizione numerica di l’Intégrale des pièces de clavecin François Couperin (Harmonia Mundi – août 2024) è l’uscita di Complete Toccatas (Aparté – octobre 2024) chì vene à cunclude a so esplorazione di u corpus per tastiera di J.S. Bach/

À vene : un album « Portraits » di François Couperin (arregistramentu « live », label MarchVivo) è dinù l’arregistramentu In Nativitatem intornu à a Messe de Minuit di Marc-Antoine Charpentier à a testa di u Monteverdi Choir & Orchestra (label Soli Deo Gloria).

Christophe Rousset hè Chevalier de La Légion d’Honneur, Commandeur des Arts et des Lettres è Officier de l’Ordre national du Mérite.

Hà ricevutu in più u prestigiosu Händel Preis attribuitu da a Fondation Händel-Haus è a Ville de Halle in 2024.

Stu documentu hè regularmente messu à ghjornu. Grazie di dumandacci l’ultima versione nanzu à l’usu.

© Les Talens Lyriques – Mai 2025 –