Gilone Gaubert

Diplumata di u Conservatoire Régional di Bordeaux in pianoforte (1er prix), Gilone Gaubert studia in parallelu u viulinu, in particulare cù Robert Papavrami, poi cù Maryvonne Le Dizès à u Conservatoire Régional di Boulogne-Billancourt induve ottene un 1er prix à l’unanimità. Per compie u so cursus musicale, entra dinù in a classa d’accompagnamentu pianoforte di Solange Chiapparin à u Conservatoire di Fontenay-sous-Bois.

Ammessa in a classa di viulinu di Devy Erlih à u Conservatoire National Supérieur de Musique di Parigi (CNSM), ne sorte in u 1995 ricumpensata da u diploma di Formation Supérieure. Appassiunata da l’interpretazione di u repertoriu di musica antica nant’à strumenti d’epica, approfondisce sta spezializazione cù Patrick Bismuth è Christophe Rousset à u CNSM di Parigi è ci ottene in u 1998 u diploma di Formation Supérieure. Dapoi u 2005 hè viulinu solo di l’ensembulu Les Talens Lyriques direttu da Christophe Rousset cù u quale s’hè creata una cullaburazione solida. Hà in particulare interpretatu cuncerti di Bach è più recentemente, in lugliu 2020, Les 4 Saisons di Vivaldi.

Ella sona dinù cù Les Passions di Jean-Marc Andrieu o Le Poème Harmonique di Vincent Dumestre, ma sopratuttu cù a so partenaria cumplice Elisabeth Joyé, clavicembalista è urganista. In parallelu, per dà seguitu à i so studii pianistichi è sempre in a ricerca di l’autenticità d’una interpretazione nant’à strumenti d’epica, s’appassiuneghja pè u pianoforte. Hè stata membru fundatore di u Quatuor Ruggieri, attivu da u 2007 à u 2015, quatuor à cordi spezializatu in u repertoriu classicu è romanticu nant’à strumenti d’epica, di u quale duie registrazioni discugrafiche dedicate à George Onslow (2012 sottu à u label agogique è 2015 sottu à u label Aparté) anu ricevutu l’accolta assai favurevule di a stampa. Les Heures du Jour, creatu in u 2016, hè un insembulu spezializatu in a trascrizzione d’opere per tastiera è voce, travagliu ch’ella face cù passione è chì hè statu appena salutatu vivamente da i critichi à l’uscita in ferraghju 2020 di u CD Winterreise di Franz Schubert, sottu à u label Muso.

Ella sona nant’à un viulinu di Joël Klepal, Parigi 2016.