Camille Theveneau

Viulunistu appassiunata, Camille Theveneau percorre u repertoriu musicale in cerca di verità. Invitata in prugrammazioni prestigiose, si hè pussutu sente à u Château de Lourmarin, à l’abbaye d’Auberive, à a Commanderie de Jalès, à u Musée Bourdelle di Paris, è in u quadru di diversi festival cum’è Mac 3 Dôle, Jeunes Talents, Live Music Now, Arcades en Périgord, Senliszt …

Si hè dinù distinta à l’occasione di cuncorsi internaziunali cum’è Georges Cziffra, Henri Vieuxtemps, Marie Cantagrill, Flame, C.I.M Val d’Isère… Camille face sente a so voce à traversu quella di u so strumentu è què dapoi a so più tenera età. À sei anni, incuragita da a so famiglia, principia l’amparera di u viulinu. Moltu prestu, a so pratica strumentale li diventa essenziale è prughjetta u so avvene ind’è a musica classica. A musicista entra tandu à u Conservatoire National Supérieur de Lyon in a classe di Marianne Piketty. Da stu scontru acquista u sensu di l’esigenza è di a cunvinzione. Piglia dinù e so risorse artistiche da i pianisti Dana Ciocarlie è Valery Rogacev.

Curiosa d’approcci musicali varii, Camille Theveneau stà in Germania induve prufitta di l’insignamentu di Marina Chiche à a Hochschule Für Musik di Trossingen. Ricca di sta sperienza è di stu novu sguardu, Camille cuntinueghja u so caminu musicale à u Conservatoire National Supérieur de Paris. Si ispira di i generosi musicanti chì l’anu intornu : u so prufessore Alexis Galpérine, i pianisti Itamar Golan è Hortense Cartier-Bresson, è i viuluncellisti Diana Ligeti è Emmanuelle Bertrand. Ci compie u so cursus in ghjugnu 2019.

Cuscente di a longa traiettoria chì raprisenta u percorsu d’interpretu, Camille ferma à l’affuttu d’artisti autentichi, bramosa d’esse più longamente guidata. Hè cusì ch’ella hà avutu a furtuna di perfezziunassi in a classe di Ning Kam, à u Conservatoire Royal de Bruxelles è ch’ella seguita oghje l’insignamentu di Mirijam Contzen à l’Universität der Künste à Berlin.

Cunvinta chì a musica risona grazia à a cumplicità di i cori, Camille Theveneau si prisenta spessu in musica di camera, in particulare à fiancu à a so surella Adèle, viuluncellista è di u pianistu Florent Ling. Hè regularmente invitata in duo in u quadru di residenze artistiche. Cullata assai prestu da l’universu di u « conte musical », Camille si circonda d’artisti di diversi orizonti. Hè cusì ch’ella hà participatu à u spettaculu « Kafka dans les Villes » nantu à a musica di Philippe Hersant è à fiancu à u choeur Séquenza 9.3. Collabureghja dinù cù attori, in partenariatu cù u Conservatoire National Supérieur d’Art dramatique. Camille matura è arricchisce a so riflessione artistica grazia à l’incontri marcanti cù i viulunisti Ivry Gitlis, Baiba Skride, Renaud Capuçon è Lisa Batiashvili, di i quali porta è trasporta i preziosi cunsiglii…