Pianistu
Primu lauratu di a prima selezzione di a Fondation Gautier Capuçon in 2021, Kim Bernard hè prestu diventatu u partenariu di u gran violuncellistu francesu cù u quale hà giratu in u quadru di a so prugrammazione ‘Un été en France’. Pianistu classicu dighjà ricunnisciutu, Kim Bernard hà dinù una passione pè u jazz è l’impruvisazione, dui duminii ch’ellu pratica cù brio in parallelu à a so carriera classica. Natu à Hyères in 1999, Kim Bernard studia u pianu da l’età di 5 anni cù Michelle Mary. In principiu di u 2008 scontra Bernard d’Ascoli è Eleanor Harris è diventa tandu studiente di Piano cantabile. In ghjugnu 2011, à 12 anni, ottene u so D.E.M. di pianu à l’unanimità cù felicitazioni di a ghjuria. In 2012, vince u primu premiu di u cuncorsu internaziunale di Montrond-les-Bains in a categuria di i menu di 17 anni, poi u primu premiu di u cuncorsu des Nuits pianistiques à Aix-en-Provence. À l’auturnu 2013, hè ammessu cù deroga à u Conservatoire National Supérieur de Musique de Lyon in a classe di Florent Boffard. Ottene in ghjugnu 2016 a so licenza poi in 2018 u so master in a classe di Laurent Cabasso. In nuvembre 2018, principia un ciculu cuncertistu à u CRR de Paris in a classe di Jérôme Granjon è ottene u 3e premiu di u cuncorsu Cziffra à Senlis. Dapoi 2022, seguita un ciculu di Perfezziunamentu in a classe di Rena Shereshevskaya à l’Ecole Normale de Musique de Paris. Kim Bernard hà datu recital à u Mucem de Marseille è in festivali in a regione varoise durante l’estate 2019 poi in u quadru di e prugrammazioni « Jeunes talents » à u Petit Palais de Paris. À l’estate 2021, hà participatu à a tournée di cuncerti « Un été en France » cù Gautier Capuçon è hè diventatu pocu dopu u primu lauratu di a so fundazione. À stu titulu, hà arregistratu u so primu discu : « Chopin, Debussy, Ravel » per u label Warner Classics / Erato. Apprezza dinù a musica di camera è s’hè pruduttu in particulare assai spessu in duo cù Gautier Capuçon. Kim Bernard hè dighjà statu invitatu à sunà in sfarenti festivali è prugrammazioni : Festival de Verbier, Variations musicales de Tannay, La Vague Classique à Six-Fours, Impérial Annecy Festival, Prima La Musica, Philharmonie de Paris, Wigmore Hall de Londres…