Altistu è cofundatore
Uriginariu d’Ajacciu, Sacha cumencia a musica à l’età di 9 anni à u Conservatoire Henri Tomasi in corsu, induve studia u viulinu. Cuntinueghja a so furmazione à u CRR di Nice, ottenendu u so DEM menzione Très Bien, poi si volta versu l’alto à l’Académie de Musique Rainier III di Monaco, induve ottene dinù u so DEM menzione Très Bien sottu a direzzione di Silvia Peneva.
Cuntinueghja a so furmazione à u Conservatoire National Supérieur de Musique et de Danse de Lyon, induve ottene u so DNSPM in 2023 in a classe di Françoise Gneri è cuntinueghja attualmente u so ciculu di Master in a classe di Noémie Bialobroda, Dominique Miton è Nicolas Mouret. Segue dinù un cursus in quatuor à cordes in a classe d’Agnès Sulem-Bialobroda è di Yovan Markovitch membru rispettivu di u Quatuor Rosamonde è di u Quatuor Danel.
U so parcorsu u porta à esibisce si nant’à numerose scene, in particulare cum’è alto solo di l’Orchestre Français des Jeunes. Hè dinù regularmente dumandatu cum’è musicien supplémentaire è co-solo in diversi orchestre francesi è cum’è chambriste in sfarenti festivals.
Appassiunatu di musica di camera, funda in 2022 u festival Corsica Cantabile cù u so fratellu gemellu Hugo, violoncelliste à l’ENM de Paris. U festival, arradicatu in l’ovest di a Corsica, celebra a musica di camera è lirica, favurizendu a cullaburazione trà artisti prufessiunali è ghjovani diplomati di i conservatoires supérieurs. In seguitu, co-pruduce una stagione artistica Les Concerts Cantabile, chì hè una declinazione di u so festival per pruduce ghjovani artisti è musicisti prufessiunali tuttu l’annu in Corsica ma dinù à Paris cù l’ubbiettivu di sbuccà in nove cità.
Sacha hè sustenutu da a Collectivité de Corse à traversu a borsa « Jeune Talent », è hà vintu u Prix « Debussy » di a Fondation Goélands. Hà pussutu prufittà di cunsiglii in particulare da Jean Sulem, Marc Desmons, Hatto Beyerle, Marc Danel, German Clavijo, Garth Knox, Jutta Puchhammer- Sédillot, Jennifer Stumm…
Sacha ghjoca un alto di Jean-Clément Grisard, realizatu à Paris in 2023.