Soprano
Simu in u 2013 è Inna Kalugina ùn hà ancu 20 anni quand’ella vince u cuncorsu “Nouveaux noms de l’Ukraine” è chì a fundazione culturale ucrainiana li attribuisce una borsa di studiu in ricunniscenza di u so impegnu in favore di a cultura di u so paese.
Inna Kalugina frequenta prima l’Académie nationale de musique Tchaïkovsky di Kyiv (Kiev) cum’è auditrice libera prima d’integrà, in u 2013, a classa di cantu d’Irina Semenenko. In2019, ella ottene u so Master cù e felicitazioni di a ghjuria. À fiancu à i so studii, travaglia cum’è attrice à u teatru d’Ivano-Frankivsk, a so cità nativa à punente di l’Ucraina.
Da u 2017 à u 2019, ella seguita dinù l’insignamentu di Vladimir Chernov à l’Università di California (UCLA) poi in Austria, prima d’integrà a so classa à l’Ecole Normale de musique Alfred Cortot à Paris. Travaglia per altrò cù Matthias Rexroth è Olga Pasiechnik à u Teatr Wielki Opera Narodova à Varsavia. In u 2020, participa à “L’Académie de la voix” à Treilles (France) induve riceve i cunsiglii vocali d’Annick Massis.
In u 2017, Inna Kalugina face i so debutti scenichi à l’Opéra di Lviv in u rolu di a Contessa Almaviva (Le Nozze di Figaro). In u 2019, interpreta u rolu-titulu di Iolanta di Tchaïkovsky à l’Opera Studio di l’Académie de musique Tchaïkovsky à Kyiv. In u 2022, Inna Kalugina vince u 2ème Prix à u Concours “Communauté européenne” di u Teatro Sperimentale Lirico à Spoleto è dinù u Premier Grand Prix Opéra à u Concours international Georges Enesco à Paris, induve li sò ancu attribuiti u premiu “Opéra Cluj-Napoca“ è u premiu “Catalina Cortez“.