In u quadru incantatu di a chjesa greca di Carghjese, a mandulina di Marine Moletto si face messagera di u sole è di e rive mediterranee. Laureata di i più grandi cuncorsi internaziunali, sparte a scena cù a voce prufonda di Michelle Fieschi è un quartettu à corda d’eccezzione. Trà Boccherini, Vivaldi, Calace è arie pupulare taliane, stu cuncertu celebra a dulcezza, a virtuosità è a puesia d’un strumentu emblematicu.