Soprano
Amélie Tatti cresce in Bastia è si appassiona assai prestu à a musica attraversu a pratica di u pianoforte è di a cumedia musicale. Scopre dinù l’arte di u circu è si spezializeghja in u trapeziu è u tessutu aereu. Dopu una licenza di musiculugia ottenuta à a Sorbonne, ottene u so diploma di concertista à l’École Normale de musique de Paris dopu avè studiatu quì u cantu cù Daniel Ottevaere, Marie-Thérèse Keller è a scena lirica cù Mireille Larroche. Ci riceve in particulare l’incuragimenti caldi di Rolando Villazón, Barbara Hannigan o ancu Jennifer Larmore durante masterclasses. Beneficia d’una borsa di studiu da u 2015 à u 2018.
Amélie Tatti s’hè digià prisentata in roli cum’è Susanna (Le Nozze di Figaro), Despina (Così fan tutte), Zerlina (Don Giovanni), Papagena (Die Zauberflöte) di Mozart, Amour in Orphée et Eurydice (Gluck), Belinda è a 1st Witch in Dido & Aeneas (Purcell), Zémire in Zémire et Azor (Grétry) cù Les Paladins sottu a direzzione di Jérôme Corréas in una messa in scena di Mireille Larroche, La Musica in l’Orfeo (Monteverdi) in una pruduzzione di i Bouffes du nord messa in scena da Samuel Achache è Jeanne Candel, o ancu u principe Alexis in L’Île de Tulipatan (Offenbach) in una messa in scena d’Yves Coudray à u festival d’Étretat è dinù Gabrielle in La Vie parisienne.
Apprezzata per i so talenti d’attrice ch’ella marita à una vocalità assicurata, Amélie Tatti hè scelta per incarnà dui primi roli feminili di Molière mentre canta in i listessi spettaculi u grande repertoriu d’opera. Trà u 2016 è u 2019, ghjoca è canta u rolu d’Agnès in un spettaculu chì mischia L’École des femmes di Molière è Les Contes d’Hoffmann d’Offenbach. Ghjoca dinù u rolu di Magdelon in Les Précieuses ridicules di Molière mischjatu d’arii d’opera.
Tutt’ultimamente, hè laurata d’una borsa Menda attribuita da l’Opéra-Comique, è hà vintu u premiu di u publicu è u gran premiu di a musica cuntempuranea à l’unanimità à u cuncorsu Enesco. Prestu, si puderà ritruvà in giru cù Les Frivolités parisiennes poi à l’Odéon de Marseille in u rolu di Marie des Mousquetaires au couvent.