Clarinetista
Natu in 1996 da una mamma corsa è da un babbu polaccu, Ange hè crisciutu à Roma in Italia. Hè diplomatu in clarinetta è in musica di camera à u Conservatorio Santa Cecilia di Roma, à a Mozarteum Université di Salzburg è à a Hochschule für Musik « Hanns Eisler » di Berlinu. Musicante d’orchestra, hè statu successivamente clarinetta sola di u Hessisches Staatsorchester di Wiesbaden, piccula clarinetta sola di u Konzerthaus Orchester di Berlinu è di u Deutsche Opera di Berlinu. A stagione chì vene entrerà in l’orchestra di a NRW in u postu di clarinetta sola. Si prisenta dinù cum’è invitatu cù altri orchestre prestigiosi cum’è u Philharmonique de Berlin… In u quadru di u so mistieru d’orchestra, hà avutu l’uppurtunità di prisentassi in Europa da u Konzerthaus di Vienna à a Philharmonie de Berlin, passendu per a Elbphilharmonie di Hamburg, u Festival d’Aix en Provence… Appassiunatu di musica di camera, hè invitatu in 2023 à u prestigiosu Krzyzowa Chamber Music Festival è s’hè prisentatu cù artisti di rinome.
Militante d’un accessu pupulare à a musica europea « savante » è tradiziunale in Corsica, fonda in 2019 in u so paese Figarella, cù a so cumpagna è maravigliosa musicante Lauriane Maudry : a Camerata Figarella. L’associu porta un Festival annuale chì si tene in u mese di Settembre è dinù una stagione musicale in leia cù u patrimoniu, a pedagogia, a creazione è a lingua corsa.
Hè à l’origine di u prugettu « Partita di Ballu » intornu à u patrimoniu musicale tradiziunale strumentale di a Corsica chì hà riunitu in particulare François Lazarevitch, Ghjuvan’Liviu Casalta è Ceccè Brunini.