Battista Acquaviva

Voce corsa identificabile per una tessitura fora di u cumunu di più di trè ottave, Battista Acquaviva viaghja u mondu dapoi più d’una dicina d’anni : Autriche, Québec, Réunion, Émirats, Jordanie… A musica di Battista risona in una seria di spettaculi Chromotopia trà u 2012 è u 2013 in u core d’una di e più grande cattedrale d’Europa, Saint-Étienne de Vienne (Autriche). Grazie à una squadra di casting chì a rimarca nant’à a tela, u grande publicu a scopre durante The Voice France 2015, riunendu milioni di viste in l’interpretazione d’un cantu sacru corsu.

Dopu à a surtita di u so album Les Chants de Libertés – 13 chants incontournables de la musique du monde en 7 langues (Universal 2015), riparte cù Voice Tour per una girata di i Zéniths de France poi cù Voices nant’à a scena di u miticu Théâtre antique d'Orange. In u 2017, a voce di Battista Acquaviva s’alza in Dubaï, in un decoru irreale è una scenugrafia fatata orchestrata da l’anzianu direttore artisticu di u Cirque du Soleil Franco Dragone per a prima mundiale di u so show La Perle, circundata da sessanta acrobati è ballerini. Le Théâtre Al Habtoor, hè un aqua-teatru di 1300 posti (2,7 milioni delitri d’acqua nant’à a scena).

À traversu l’anni, Battista arregistrà parechji duetti cù i gruppi La Femme, Les Stentors, Les Chjami Aghjalesi, è NatashaSt-Pier. In u 2018, Battista hè invitata in Jordanie da Son Altesse Sérénissime in un festival per a Pace, è canta in diretta à a televisione jordana in presenza di parechje delegazioni di u mondu sanu. In u 2019, u so single Passio hè selezziunatu per Destination Eurovision France.

Dopu à una cinquantina di cuncerti cunsecutivi à a surtita di u so opus Céleste (2019) di u quale firma a maiò parte di i testi, Battista torna in u 2023 cù un novu album Spiriti Corsi.

Photo : @Elisa Timotei