Pianistu
Natu in 1993 in Corsica, Tony Fallone cumencia u pianoforte à l’età di 8 anni è ottene u so primu diploma à 13 anni à u Conservatoire d’Ajaccio. Dopu entre à u Conservatoire de Paris cù Brigitte Bouthinon-Dumas, induve ottene u so diploma cù menzione dui anni dopu in pianoforte, musica di camera, analisi musicale è in armunia. Cumencia à travaglià cù u maestru francese Bruno Rigutto à l’École Normale de Musique Alfred Cortot poi integra in 2012 u prestigiosu Royal College of Music di Londra, in a classa di u cuncertista Leon Mc Cawley. Ci ottene un Bachelor è un Master in Piano Performance cù menzioni. Tony hà participatu à numerose masterclasses, cum’è a «Music Odyssey» in Grecia, induve hà vintu un premiu per a so prestazione durante u cuncertu finale. Hà vintu parechji premii in cuncorsi di pianoforte, in particulare u Concours National d’Île-de-France à Paris, u Concours Steinway & Sons Young Talent è u Concours international de piano de Brest. Hà sunatu cù u trombettistu di rinomanza mundiale Guy Touvron in particulare à u festival internaziunale di jazz «Jazz In’Aiacciu».