Pianistu
Victor principia u pianoforte à l’età di sei anni in a classa di Rena Shereshevskaya, in u quadru di u prugramma « Vocation » destinatu à i giovani talenti di l’École Normale de Musique de Paris. In maghju 2024, ci ottene l’Artist Diploma, a più alta distinzione attribuita da l’istituzione. In quellu stessu annu, si perfeziona per parechji mesi à l’International Menuhin Academy, sempre à fiancu di Rena Shereshevskaya, è si prisenta in particulare à i Sommets Musicaux de Gstaad, à u Festival de Pâques d’Aix-en-Provence è à u Festival de l’Abbaye Royale de l’Épau.
À traversu tuttu u so percorsu, Victor prufitta di i cunsiglii di pianisti rinumati cum’è Jean-Bernard Pommier, Michel Dalberto, Jean-Frédéric Neuburger, Robert Levin o Elisabeth Leonskaja. Participa dinù à master classes di musica di camera cù Renaud Capuçon è Gabor Takács-Nagy. Principierà in settembre prossimu un cursu à a Hochshule di Bâle, in a classa di Claudio Martinez-Menher. In l’ultimi anni, hà avutu l’occasione di prisentassi in recital è in musica di camera in numerosi festival è stagioni prestigiose : a Salle Cortot, u Théâtre Saint-Bonnet de Bourges, i Concerts de Poche, i Pianissimes, a Musikfest Parisienne, e Rencontres Artistiques de Bel-Air, u Rosey Concert Hall, e Musicales d’Arradon, i festival di e Musicales du Golfe, des Grands Crus Musicaux, du Périgord Noir, di Corsica Cantabile, o ancu u Septembre Musical de l’Orne. In uttrovi 2022, rende omagiu à u pianistu Nicholas Angelich durante un recital urganizatu da a Société Marseillaise des Amis de Chopin. In ghjugnu 2025, hè invitatu in recital in u quadru di u Martha Argerich Festival di Hamburg.
Victor cultiva dinù una ricca attività in musica di camera. Si prisenta à fiancu di u violoncellistu Marc Tchalik, di u Quatuor Tchalik, di u viulunistu Bohdan Luts, di u tenore Paul Germanaz, è più recentemente cù Renaud Capuçon. Forma per altru un duo regulare cù u so babbu, u violoncellistu Henri Demarquette è dirigenu inseme in Normandia, u festival di musica di camera La Feuillie Classic.