Pianistu
D’origine corsa, Teva MAZOYER, 22 anni, principia u pianoforte à l’età di 5 anni. Seguitu da Pierre Rebouleau, entra in u Conservatoire de Corse Henri Tomasi, à Bastia, 2 anni dopu. Cuntinueghja u so cursus in a classa di Pascale Davin-Pajanacci, da i so 10 anni, sin’à l’ottenimentu, in 2020, di u so diploma d’études musicales (DEM), à a fine di u 3ème cycle spécialisé, in parallelu cù l’ottenimentu di u so baccalauréat scientifique.
Hè à 14 anni, à l’uppurtunità di a so participazione à e Masterclass di Calenzana, chì a scontru cù Denis Pascal serà decisiva. In 2020 entra tandu in u cycle préparatoire aux études supérieures (CPES), à u conservatoire à rayonnement régional de Toulouse (CRR), in a classa di Laurent Molines. In 2022, riceve u 1er prix du jury è 1er du public à u 17ème concours de piano d’Occitanie « Alain Marinaro ». In tantu ghjovanu talentu corsu, hè statu invitatu à participà à u Festival Opus Corsica 2022 induve si prisenta durante 4 serate di cuncerti (Bastia, Lecci, Porto-Vecchio è Ajaccio). Dapoi settembre 2022, dopu avè riesciutu u so cuncorsu d’entrata à u Conservatoire National Supérieur de Musique (CNSM) de Paris, cum’ellu vulia, entra in a classa di Denis Pascal, per cuntinuà quì a so furmazione musicale.
In Aostu 2023, à l’uppurtunità di e Rencontres Musicales de Calenzana. si prisenta à 4 mani cù u so mentore Denis Pascal. Ghjugnu 2024, dà un recital à u conservatoire Henri Tomasi de Bastia (in l’ancienne antenne d’RCFM) è dinù un’intervenzione ind’è i CHAM de Bastia. Invitatu à e Nancyphonies, ghjoca in recital à u kiosque de la pépinière in lugliu 2024. Hè spessu chjamatu à prisentassi in l’église St Ephrem de Paris (5e) mentre cuntinueghja i so studii musicali à u CNSM de Paris in master. Purtendu un grande interessu pè l’impruvisazione è a cumpusizione, entra in parallelu in a classa d’impruvisazione à u pianoforte di Jean Baptiste Doulcet grazia à a quale averà pussutu in particulare accumpagnà filmi muti.