Fondation Gautier Capuçon

U 3 di ghjennaghju 2022, u violuncellistu Gautier Capuçon hà lanciatu a so propria fundazione filantropica. Posa sottu à l’egida di a Fondation de France, a Fondation Gautier Capuçon hà per scopu d’accumpagnà ghjovani artisti talentuosi in i so principii prufessiunali.

PERCHÈ UNA FONDAZIONE?

« Stu prugettu filantropicu mi stà prufundamente à core è prulungheghja u mo impegnu di longa data in l’educazione musicale, è ancu à fiancu d’urganisazione caritative. Sò quantu hè difficiule d’accede à una carriera di musicante classicu è a pandemia chì stemu attraversendu ùn hà fattu chè aggrava e cose. Hè per quessa ch’e aghju vulsutu andà ancu più luntanu in l’accumpagnamentu è a trasmissione per aiutà ghjovani musicanti talentuosi à rializà u so sognu. » - Gautier Capuçon

MISSIONE È VALORI A Fondation Gautier Capuçon hà per scopu d’accumpagnà a vucazione musicale di ghjovani musicanti d’eccezzione in Francia è à l’esteru durante i so studii è di sustene li in i primi passi di a so carriera.

Prumove l’eccellenza in a sulidarità è a benevulenza.

CAMPI D’AZIONE1.

1. ATTRIBUÌ BORSE DI STUDIU Ste borse di studiu permetteranu à ghjovani musicanti classichi di cuntinuà i so studii è di perfezziunà si in Francia o à l’esteru.
2. PRUGRAMMÀ CUNCERTI Sta iniziativa permette di facilità l’accessu à i laurati di a Fondation à sale di cuncertu è à festivali di u mondu sanu. Pò esse prugrammati in prima parte di musicanti cunsacrati o dà un cuncertu in a so interezza.
3. REGISTRÀ UN PRIMU DISCU A Fondation lancia, in partenariatu cù Warner Classics, a cullezzione « La Fondation Gautier Capuçon présente ». Ogni annu, unu o parechji laurati anu l’uppurtunità di registrà u so primu discu sottu à stu labellu. A registrazione d’un primu discu hè una tappa significativa in a vita d’un artista è un elementu di visibilità impurtante per un ghjovanu musicante.

CUNSIGLIU ARTISTICU U pianistu Frank Braley è u direttore d’orchestru Alain Altinoglu, tramindui impegnati di longa data in a trasmissione è l’educazione, cumpagni di Gautier Capuçon à a scena, sò à i so lati per furmà u cunsigliu artisticu di a Fondation.

• GAUTIER CAPUÇON
• FRANK BRALEY
• ALAIN ALTINOGLU