Per chjode in bellezza u festival Corsica Cantabile 2025, vi invitemu à una serata eccezziunale, in a magnifica chjesa di Piana induve puderete lasciavvi purtà da e più belle musiche di filmu.

U prugramma di sta serata intitulata « Cantabile face u so cinema ! » vi farà rivive l’emuzione di i grandi classichi di u settimu arte. Opere emblematiche cum’è Les Moulins de mon cœur di Michel Legrand, Reality di Vladimir Cosma, o ancu La Chanson d’Hélène di Philippe Sarde seranu di a partita. Pezzi d’Erik Satie, Isaac Albéniz è Francis Lai venenu à arricchisce stu viaghju musicale. Stu cuncertu serà interpretatu da a sopranu Irina Kyshliaruk, a viulunista Camille Theveneau, u viuluncellistu Hugo Pietri è u pianistu Tony Fallone, chì unisceranu i so talenti per offre vi una prestazione indimenticabile.

Venite à sparte stu mumentu unicu induve a musica è u cinema si scontranu in un quadru d’eccezzione. Una serata da ùn mancà per chjode u festival in bellezza.