CUNCERTU DISEGNU

« Dipinghje a natura » hè un cuncertu disegnatu induve a musica è l’imagine si rispondenu in una armunia impressiunante. Les Quatre Saisons di Vivaldi scontranu Les Élémens di Rebel per dà nascita à una sperienza immersiva è puetica, induve ogni nota diventa culore, muvimentu è emozione.

Rebel, cù u so imaginariu abbundante è guasi cinematograficu, evoca u caos uriginale, e timpeste, a calma è e forze cusmiche cù una putenza evucatrice rara. Quessi paisaghji sonori trovanu un’echju perfettu in e stagioni vivaldiane, fresche intemporale chì traducenu u passaghju di u tempu è a bellezza cambiante di a natura.

Nantu à scena, u disegnatore è animatore Grégoire Pont accumpagna i musicanti in direttu. À ogni trattu, à ogni gestu, face nasce sott’à i nostri ochji un universu graficu vibrante, prughjettatu è animatu in tempu reale. A so creazione diventa u spechju vivu di a musica, una vera pittura in muvimentu chì trasforma l’ascoltu in un viaghju sensoriale è visuale.

Un spettaculu tutale, à a crucivia di l’arti, chì maraviglia chjuchi è maiò è invita u publicu aiaccinu à riscopre a natura à traversu u sguardu incrociatu d’un cumpusitore, d’un pittore è d’un orquestru.

en partenariat avec l'Office Intercommunal d'Aiacciu OIT