U Niolu s’allarga in a alta valle di u Golu, terre salvatichi è autentiche, longamente chjuse, guardiane di e tradizione pastorale, duminate da u Monte Cinto, puntu culminante di l’isula. Hè in stu paese di muntagna è di memoria, di fronte à u lavu, chì Corsica Cantabile installa sta sera u so cuncertu à celu apertu.

U prugramma hè custruitu cum’è un viaghju à traversu e voce di u Mediterraniu. I canti corsi aprenu a serata : ninna nanna, lamenti è melodie pupulari firmate da cumpusitori isulani, Vicenti, L'Albinu, Tony Toga, purtati da a voce d’una sopranu è da u dialogu intimu cù u quatuor à cordes. U Crisantemi di Puccini, pagina elegiaca d’una prufonda malincunia, è dui muvimenti di u Quatuor di Ravel, vivu è luminosu, danu à u prugramma tutta a so ampiezza di repertoriu. E canzone pupulari ucraine di Mykola Lyssenko venenu à ramintà chì a musica pupulare, d’una riva à l’altra, parla sempre a stessa lingua : quella di a memoria è di a trasmissione.

Un cuncertu à celu apertu, purtatu da u ventu di u Niolu, induve e voce d’eri è d’oghje si rispondenu sott’à e stelle.

Localisation

Parvis église St Pierre et St Paul 20224 Calacuccia GPS 42,33559° N, 9,01288° E