In partenariatu cù a Fondation Gautier Capuçon.

Ci sò sere induve u locu diventa ellu stessu musica. A chjesa di Piana, annidata in unu di i più belli paesi di Corsica, offre per stu cuncertu un scrignu d'eccezzione : e so petre rosse, u silenziu di a notte d'estate è, in luntananza, u mare.

A Fondation Gautier Capuçon travaglia dapoi parechji anni per mette in luce è accumpagnà i ghjovani talenti i più eccezziunali di a scena musicale internaziunale. I so laureati, selezziunati trà centinaie di candidati in tuttu u mondu, beneficianu d'un sustegnu artisticu esigente, à u cuntattu di i più grandi. Sò elli chì salenu sta sera nant'à a scena, ghjovani interpreti à a soglia d'una carriera chì si prumette brillanti.

U festival Corsica Cantabile hè fieru d'accollelli in u quadru di stu partenariatu privilegiatu, fidu à a so cunvinzione chì a Corsica pò esse, per u tempu d'un'estate, unu di i grandi appuntamenti di a musica di camera in Europa. U prugramma riunisce quattru opere maiò di u repertoriu, da Paganini à Brahms passendu per Fauré è Rachmaninov. Virtuosità splusiva, lirismu intensu, intimità di u dialogu trà l'istrumenti ; una traversata di u grande romanticisimu europeu, purtata da a foga è a sensibilità d'interpreti chì ùn anu più tantu da pruvà, s'ellu ùn hè l'ampiezza di u so talentu.

Localisation

1 Piazza Di la Ghjesgia 20115 Piana GPS 42,23856° N, 8,63659° E